Названыя магчымыя супернікі БАТЭ, Брэста і Жодзіна ў новай Лізе канферэнцый
Сёння пройдзе лёсаванне новага футбольнага клубнага турніру — Лігі канферэнцый. Ён будзе трэцім па рэйтынгу пасля Лігі чэмпіёнаў і Лігі Еўропы. У кваліфікацыйных матчах бяруць удзел тры беларускія каманды: БАТЭ, «Дынама» Брэст і «Тарпеда» Жодзіна. Нагадаем, што чэмпіён краіны салігорскі «Шахцёр» бярэ старт у першым раўндзе Лігі чэмпіёнаў.
Перад лёсаваннем каманды разбітыя на падгрупы. БАТЭ трапіў у падгрупу 3, ён сеяны, пачне з 3-га раўнду. Сярод магчымых супернікаў — шведскі «Эльфсбарг», славацкая «Дунайская Стрэда», а таксама, напрыклад, пераможца матчаў першага раўнду «Левадыя» Талін — «Сэнт-Джозэф» Гібралтар і г.д.
«Дынама» Брэст нясеяны, і ягонымі супернікамі могуць стаць ЦСКА (Сафія), «Вікторыя» Пльзень, «Рыека», «Глентаран»/«Нью-Сэйнтс».
Сярод супернікаў «Тарпеда-Жодзіна» — «Хайдук», «Ваяводзіна», «Абердзін», «Капенгаген», «Русенборг».
Лёсаванне ў 14.30, матчы ў ліпені, але пытанне, як будуць у Беларусь дабірацца каманды з закрытым небам.