Парашутыст на полі і рэкорды Раналду: чым скончыўся чарговы дзень Еўра-2020
Сёння прайшлі два матчы на Еўра-2020. Перамогу святкавалі зборныя Францыі і Партугаліі.
Партугальцы абыгралі з лікам 0:3 зборную Венгрыі.
На 84 хвіліне Герэйру падстроіўся пад адзін адскок і праз другі рыкашэт заваліў мяч у кут.
На 87 хвіліне Раналду рэалізаваў пенальці.
На 92 хвіліне Раналду забіў яшчэ раз.
Для Крышціяну Раналду гульня з Венгрыяй стала 22-й у фінальных стадыях чэмпіянатаў Еўропы, што з'яўляецца рэкордам. Футбаліст стаў адзіным, каму ўдалося згуляць на пяці чэмпіянатах Еўропы за кар'еру — 2004, 2008, 2012, 2016 і 2020 гадоў. У 2016 годзе зборная Партугаліі стала чэмпіёнам Еўропы.
Акрамя таго, падчас цяперашняй сустрэчы форвард забіў 11-ы мяч на кантынентальным турніры, пабіўшы рэкорд француза Мішэля Плаціні па колькасці галоў у гісторыі спаборніцтваў.
У наступнай гульні зборная Францыі абыграла Нямеччыну — 1:0.
На 20 хвіліне немцы не вытрымалі атакавальнай 5-хвілінкі чэмпіёнаў свету. Пагба выразаў выдатны пас на Эрнандэса, прастрэл якога мог дайсці да Мбаппе, але не дайшоў — Хуммельс аформіў аўтагол.
На матчы здарыўся і кур'ёз — на поле прызямліўся парашутыст. Гэта быў актывіст Greenpeace.
