Польшча спрасціла выдачу віз беларусам
Польскі ўрад падпісаў распараджэнне, згодна з якім правам выдачы віз надзяляецца міністр замежных спраў Польшчы. Распараджэнне датычыць беларусаў, якія знаходзяцца на тэрыторыі Беларусі, піша Белсат.
Падаваць дакументы на візы трэба будзе ўсцяж у консульствы па месцы жыхарства. Распараджэнне мае на мэце спрашчэнне атрымання віз і такім чынам падтрымку тых беларусаў, хто хоча прыехаць у Польшчу. Дакумент уступае ў сілу 14 чэрвеня 2021 года.
Дагэтуль візавымі пытаннямі займаліся консулы, цяпер такое права надаецца міністру замежных спраў. Мяркуецца, што працэдура атрымання віз павінна стаць зручнейшай і хутчэйшай.
Беларусь — пакуль адзіная краіна, грамадзянам якой Польшча дазволіла атрыманне віз праз МЗС. Як будзе выглядаць уся працэдура, і якімі будуць тэрміны — пакуль дакладна не вядома.