Беларусы ва Украіне пратэставалі на мяжы
На мяжы Украіны з Беларуссю праходзяць акцыі пратэсту супраць беларускіх уладаў. Іх зладзілі на пунктах пропуску «Новыя Ярылавічы» і «Даманава». Пра гэта ў каментары РБК-Україна распавёў спікер Дзяржаўнай памежнай службы Украіны Андрэй Дземчанка.
«Каля двух пунктаў пропуску на мяжы з Беларуссю знаходзяцца нязначныя групы людзей — на пункце пропуску «Новыя Ярылавічы» каля 40 чалавек і «Даманава» каля 10 чалавек. Яны выказваюць пратэст супраць беларускага рэжыму, паводзяць сябе яны мірна, ніякіх правакацый не ажыццяўляюць і рух транспарту не блакуюць», — адзначыў Дземчанка.
«Намі было арганізавана супрацоўніцтва з супрацоўнікамі паліцыі. На дадзены момант удзельнікі акцыі не ствараюць перашкод для руху, паводзяць сябе яны мірна», — дадаў Дземчанка.
Ён таксама выказаў надзею, што яны не будуць спрабаваць перакрыць рух, паколькі ў такім выпадку супрацоўнікі паліцыі могуць прыцягнуць іх да адказнасці.
Акцыі арганізавала «Народнае антыкрызіснае ўпраўленне», якое каардынуе Павел Латушка.
