Знайсці
11.06.2021 / 10:58РусŁacБел

У Літве затрыманыя яшчэ 15 нелегальных мігрантаў з Беларусі

У Літве 11 чэрвеня затрыманыя яшчэ 15 нелегальных мігрантаў, паведамляе Delfi са спасылкай на прадстаўніка Службы аховы дзяржмяжы (САДМ).

Delfi.lt

«Раніцай у Ігналінскім раёне былі затрыманыя дзве групы: у адной — шэсць, у другой — дзевяць чалавек», — сказаў прадстаўнік САДМ Гедрус Мішуціс. Зараз высвятляюць, грамадзянамі якой краіны з'яўляюцца гэтыя мігранты.

З-за ўзрослай колькасці нелегальных мігрантаў з Беларусі, усе месцы ў цэнтры рэгістрацыі бежанцаў (ЦРБ) запоўненыя. У Літве для нелегальных мігрантаў плануюць разбіць намётавы гарадок.

У ЦРБ цяпер знаходзяцца 160 замежнікаў. Паводле звестак САДМ, за пяць месяцаў гэтага года з Беларусі ў Літву незаконна прыйшлі 312 мігрантаў, у асноўным гэта грамадзяне Ірака (гэта ў 3,5 разу больш, чым за ўвесь 2020 год).

Чытайце таксама:

За суткі на мяжы Літвы і Беларусі затрыманыя 52 нелегальныя мігранты. Пераважна з Сірыі і Ірака

Нелегалы штурмуюць беларуска-польскую мяжу. За 2021 год іх стала больш у 4 разы

Кіраўнік МУС Літвы: Супраць нас Беларусь вядзе гібрыдную вайну

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера