Знайсці
09.06.2021 / 14:11РусŁacБел

Гэтая краіна свету зрабіла біткойн сваёй валютай нароўні з далярам ЗША

Заканадаўчая асамблея Сальвадора прыняла закон, які дазваляе выкарыстоўваць крыптавалюту біткойн як законны плацежны сродак. За прыняцце дакумента прагаласавалі 62 з 84 дэпутатаў.

Пасля галасавання курс біткойна вырас больш чым на 5%, вышэй за 34 тысячы даляраў за манету, паведамляе meduza.io.

Сальвадор стаў першай краінай, што легалізавала біткойн для паўсядзённага выкарыстання. Біткойн стануць выкарыстоўваць нароўні з далярам ЗША — афіцыйнай валютай Сальвадора.

У законе сказана, што курс біткойна да даляра будзе свабодна фармаваць рынак. Усе цэны будуць пазначаныя ў біткойнах, жыхары Сальвадора змогуць выкарыстоўваць крыптавалюту пры аплаце падаткаў.

Значную частку эканомікі Сальвадора складаюць грашовыя пераводы ўраджэнцаў гэтай краіны, якія паступаюць з іншых краін. У 2020 годзе ў краіну перавялі 5,9 мільярда даляраў, што адпавядае прыкладна 22% ВУП Сальвадора.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера