Знайсці
09.06.2021 / 12:54РусŁacБел

Недакурак з іншага паверха. Ратавальнікі расказалі падрабязнасці ранішняга пажару ў Малінаўцы

Сёння ў доме па вуліцы Напалеона Орды, што ў сталічным мікрараёне Малінаўка, здарыўся пажар. Загарэўся балкон на 14-м паверсе 19-павярховага дома.

112.by

У МНС расказалі падрабязнасці выратавальнай аперацыі.

Пажарныя Аляксандр Ксянчук і Георгій Карачун з трохпакаёвай кватэры пры дапамозе масак выратавалі гаспадара і яго жонку (абодва глуханямыя).

Моцнае задымленне стварала пагрозу жыццю жыхарам кватэр на 19-м паверсе. Пажарныя Павел Лепеш і Андрэй Доўкешаў таксама пры дапамозе масак выратавалі пенсіянерку і яе васьмі- і шасцігадовага ўнукаў, а таксама з суседняй кватэры 34-гадовую жанчыну і шасцігадовае дзіця-інваліда.

Пажар ліквідаваны ў 09.20 (інфармацыя пра яго паступіла ў 8.58).

У выніку здарэння пашкоджана маёмасць на балконе, агонь у кватэру не трапіў. Таксама закураны жылы пакой кватэры, шыбы і балконная рама кватэры паверхам вышэй.

Прычына пажару высвятляецца, магчыма гэта быў недакурак, кінуты з вышэйшых паверхаў.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера