Apple прэзентавала новую функцыю для бяспекі ў інтэрнэце, але ў Беларусі яна працаваць не будзе
Сэрвіс, які павышае канфідэнцыяльнасць карыстальнікаў у інтэрнэце, не будзе працаваць у некаторых краінах праз забарону дзяржаўных рэгулятараў.
Фота Reuters
Падчас штогадовай канферэнцыі кампанія Apple прэзентавала сэрвіс iCloud Private Relay, які хавае IP-адрас карыстальніка падчас наведвання ім сайтаў. Гэта ўскладняе адсочванне людзей у інтэрнэце.
Калі карыстальнік уключае функцыю iCloud Private Relay, то трафік спачатку дасылаецца на сервер Apple, дзе IP-адрас выдаляецца, а затым перанакіроўваецца на другі сервер, які абслугоўваецца пабочным аператарам. На другім серверы карыстальніку прызначаецца часовы IP-адрас.
Apple адзначыла, што функцыя не будзе працаваць у Беларусі, Казахстане, Кітаі, Калумбіі, Егіпце, Саудаўскай Аравіі, Туркменістане, Угандзе і Філіпінах, паведамляе The Reuters.
