Знайсці
02.06.2021 / 19:23РусŁacБел

Памёр былы міністр культуры, першы пасол Беларусі ў Літве Яўген Вайтовіч

Яму было 84 гады.

Пайшоў з жыцця першы пасол Беларусі ў Літве Яўген Вайтовіч. Пра гэта паведаміла пасольства Беларусі на сваёй старонцы ў фэйсбуку

Фота са старонкі ў фэйсбуку пасольства Беларусі ў Літве

Яўген Канстанцінавіч нарадзіўся 29 студзеня 1937 годзе ў в. Ляшчыны, што ў Барысаўскім раёне. Кандыдат эканамічных навук (1964). У 1975-1983 гадах быў дырэктарам «Беларусьфільма», начальнікам галоўнага ўпраўлення кінафікацыі і кінапракату Дзяржкіно СССР (1983—1988). З ліпеня 1988 года — міністр культуры БССР.

22 лістапада 1993 года прызначаны паслом Беларусі ў Літве. Працаваў на гэтай пасадзе да кастрычніка 1998 года

«Адказны кіраўнік, сціплы і шчыры, спагадлівы і прынцыповы чалавек, Яўген Канстанцінавіч карыстаўся аўтарытэтам і заслужанай павагай не толькі ў Беларусі, але і ў замежных партнёраў. З асаблівай сімпатыяй да яго ставіліся і калегі і беларуская супольнасць у Літве», — падкрэслівае пасольства Беларусі.

«Глыбокія спачуванні родным і блізкім… Царства Нябеснае і Вечная Памяць Сыну Зямлі Беларускай…», — пракаментаваў гэтую сумную навіну дэпутат Валерый Варанецкі.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера