Швейцарскі Proton: Мэйл пра мініраванне самалёта Ryanair даслалі пасля таго, як лайнер павярнуў у бок Мінска
Швейцарскі інтэрнэт-сэрвіс Proton Technologies AG заявіў, што паведамленне аб мініраванні самалёта Ryanair было адпраўлена ўжо пасля яго развароту ў бок Беларусі.
Пра гэта ў чацвер паведаміла агенцтва Reuters са спасылкай на заяву кампаніі, перадае ТАСС.
«Мы не ўбачылі дакладных доказаў таго, што сцвярджэнні [ўладаў] Беларусі адпавядаюць рэчаіснасці», — адзначаецца ў паведамленні. Пры гэтым адзначаецца, што інтэрнэт-правайдар «будзе аказваць падтрымку еўрапейскім уладам у расследаванні інцыдэнту пасля атрымання адпаведнага юрыдычнага запыту».
Нагадаем, што ў панядзелак Дэпартамент авіяцыі на брыфінгу ў Мінску распавёў, што ліст пра мініраванне з боку прадстаўнікоў ХАМАС прыйшоў «з электроннай пошты protonmail.com».
Protonmail — гэта сэрвіс абароненай электроннай пошты, серверы і штаб-кватэра кампаніі знаходзяцца ў Швейцарыі.
Чытайце таксама:
Daily Beast: Ліст пра бомбу прыйшоў на пошту мінскага аэрапорта толькі праз 24 хвіліны пасля папярэджання дыспетчара
