Знайсці
17.05.2021 / 11:49

Суд над студэнтамі: віну прызнаў толькі адзін

Сёння фігурантам скончылі чытаць абвінавачанні, пачалі апытваць сведак.

У Мінску працягваецца суд над фігурантамі так званай «справы студэнтаў». Па ёй праходзіць дванаццаць чалавек, якія знаходзяцца ў СІЗА ўжо больш за шэсць месяцаў, нагадвае «Новы час».

Справу разглядае суддзя суда Савецкага раёна Марына Фёдарава. Усіх палітзняволеных вінавацяць па ч. 2 арт. 17 («злачынства, здзейсненая групай асоб па папярэдняй змове») і ч. 1 арт. 342 Крымінальнага кодэкса («актыўны ўдзел у групавых дзеяннях, што груба парушаюць грамадскі парадак»), ім пагражае да трох гадоў пазбаўлення волі.

Сёння, як і раней, туды пусцілі толькі па два родзічы кожнага з затрыманых. 

Сёння фігурантам скончылі чытаць абвінавачанні. Потым у падсудных спыталі, ці прызнае хтосьці з іх віну.

Выкладчыца Вольга Філатчанкава, студэнткі Кася Будзько, Яна Арабейка і Ксенія Сырамалот сказалі, што не разумеюць, у чым канкрэтна абвінавачваюцца і адмаўляюцца прызнаваць віну. Астатнія фігуранты проста сказалі, што віну не прызнаюць.

З усіх абвінавачаных віну па ч.1 арт. 342 прызнаў толькі студэнт МДЛУ Глеб Фіцнер.

Пасля гэтага ў судзе пачалося апытанне сведак.

Хто гэтыя 12 чалавек, якія праходзяць па справе?

  1. Ксенія Сырамалот, стабальніца, студэнтка факультэта філасофіі і сацыяльных навук БДУ;
  2. Марыя Каленік, студэнтка факультэта экспазіцыйнага дызайну Беларускай дзяржаўнай акадэміі мастацтваў;
  3. Настасся Булыбенка, адлічаная студэнтка машынабудаўнічага факультэта БНТУ;
  4. Вікторыя Гранкоўская, адлічаная студэнтка архітэктурнага факультэта БНТУ;
  5. Ілля Трахтэнберг, другакурснік механіка-матэматычнага факультэта БДУ, удзельнік «Што? Дзе? Калі?»;
  6. Глеб Фіцнер, чацверакурснік факультэта міжкультурных камунікацый МДЛУ;
  7. Ягор Канецкі, пяцікурснік біялагічнага факультэта БДУ, актывіст Вольнага прафсаюза;
  8. Кася Будзько, студэнтка факультэта эстэтычнай адукацыі БДПУ, прыхільніца Задзіночання беларускіх студэнтаў;
  9. Яна Арабейка, студэнтка факультэта эстэтычнай адукацыі БДПУ, прыхільніца Задзіночання беларускіх студэнтаў;
  10. Таццяна Якельчык, студэнтка механіка-матэматычнага факультэта БДУ;
  11. Алана Гебрамарыям, уваходзіла ў асноўны склад Каардынацыйнай рады, актывістка Моладзевага блоку;
  12. Вольга Філатчанкава, выкладчыца БДУІРа.

Чытайце таксама:

Масавыя затрыманні каля суда па «Справе студэнтаў»

«Дачцэ прад’яўлялі даты акцый, калі яна ўжо была на сутках». Што адбывалася на судзе па справе студэнтаў?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
май чэрвень ліпень
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30