Знайсці
15.05.2021 / 08:59

Скарб нацыі: Беларускай бібліятэцы-музею ў Лондане спаўняецца 50 гадоў

15 мая спаўняецца 50 гадоў ад афіцыйнага адкрыцця ўнікальнага месца — Беларускай бібліятэкі і музею імя Францішка Скарыны ў Лондане (Скарынаўка). 

Павялічыць

Фота Сяргея Зініна

Аснову бібліятэкі склалі прыватныя зборы беларускіх грэка-каталіцкіх святароў Часлава Сіповіча і Льва Гарошкі, якія пераехалі ў Вялікабрытанію пасля Другой сусветнай вайны і апекаваліся духоўнымі патрэбамі беларусаў у Вялікабрытаніі. Бібліятэка — велізарная заслуга айца Аляксандра Надсана (1926-2015), падкрэсліў чалец Бібліятэчнай рады Яраслаў Крывой, піша Беларуская служба «Радыё Польшча».

— Гэта яны ўнеслі найбольшы ўнёсак у развіццё бібліятэкі. Акрамя таго, шэраг навукоўцаў беларускага і замежнага паходжання, напрыклад брытанскага, таксама бралі актыўны ўдзел у развіцці бібліятэкі. Але тых людзей, якія памятаюць заснаванне бібліятэкі, засталося не так шмат.

Павялічыць

Фота Ігара Іванова

У бібліятэцы ёсць каля 40 тыс. тамоў кніг і камплектаў газет і часопісаў. Сярод іх фрагмент першай кнігі «Царствы» Ф. Скарыны, Статут Вялікага Княства Літоўскага 1588, рэдкія беларускія выданні, надрукаваныя ў Куцейне, Вільні і Супраслі, першадрукі зборнікаў М. Багдановіча, К. Буйло, М. Гарэцкага, Я. Купалы, М. Танка, Ядвігіна Ш. і іншых беларускіх пісьменнікаў, першавыданні прац гісторыкаў А. Гваньіні, А. Каяловіча і інш., творы эмігранцкіх аўтараў. У калекцыі рукапісаў аўтографы Я. Коласа, Я. Купалы (паэма «Курган»), 24 старабеларускамоўныя дакументы 1499—1682. Асобна зберагаюцца архівы Пінскага праваслаўнага духоўнага праўлення (каля тысячы дакументаў), кампазітара М. Куліковіча-Шчаглова, калекцыя старых карт. У музейных пакоях экспануюцца ўзоры беларускага народнага ткацтва і вышыўкі, 2 слуцкія паясы і сшыты з паясоў арнат, сельскагаспадарчыя і хатнія прылады, калекцыя манет ВКЛ і многае іншае.

Зборы бібліятэкі стала працягваюць павялічвацца. Папаўняецца перыёдыка, збіраюцца архівы аўтараў і выдавецтваў. Аднак самымі каштоўнымі з’яўляюцца кнігі і архівы, якія захоўваліся ў бібліятэцы яшчэ да развалу Савецкага Саюза.

Афіцыйнае адкрыццё бібліятэкі ў асобным будынку адбылося 15 мая 1971 года.

50-гадовы юбілей будзе адзначацца віртуальным круглым сталом. Сёння да мерапрыемства можа далучыцца кожны, — гаворыць Яраслаў Крывой.

— Гэта бясплатная падзея, яе можна знайсці, напрыклад, на старонцы бібліятэкі на фэйсбуку. На сустрэчы збяруцца тыя, хто памятае людзей, якія стаялі ля вытокаў бібліятэкі, апекуны ўстановы, навукоўцы з розных куткоў свету. Яны абмяркуюць ролю, планы, развіццё бібліятэкі. Будуць падведзены вынікі зробленага, пераасэнсаванне ролі бібліятэкі.

Скарбы нацыі: фотаэкскурсія па Беларускім музеі ў Лондане

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
май чэрвень ліпень
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30