Знайсці
14.05.2021 / 18:30

Зміцер Дашкевіч назваў тры словы, якія могуць скалануць асновы сённяшняй сітуацыі

Зміцер Дашкевіч, які ўчора вызваліўся пасля 20 сутак арышту, у сваім фэйсбуку паразважаў, што рабіць далей у бягучай сітуацыі.

Павялічыць

Фота Надзеі Бужан

«Стаміўся зьдзіўляцца вычварнай фантазіі турэмшчыкаў, але такі ўжо час — кожны раз зьдзіўляешся новым адкрыцьцям. Што я зразумеў са сваёй апошняй Менска-Жодзінскай вандроўкі — дна не існуе.

Трэба ўзброіцца думкай, што наперадзе нас чакаюць няпростыя часіны, бо логіка любой злачыннай сыстэмы аднолькавая: сыстэма вар'яцее болей і болей — да самага свайго скону.

Зло разбурыць само сябе. Таму сёньня нам трэба не пра злачынцаў думаць, нам трэба думаць пра саміх сябе, пра нашу сям'ю — наноў народжаную нашу нацыю.

Мы ўсё стараліся абазначыць сябе, каб даказаць, што нас большасьць. Мы абазначалі сябе шматсоттысячнымі маршамі, мы абазначалі сябе Сьцягамі. Цяпер за марш — 30 содняў, за сьцяг — 30 содняў. Усё гэта немагчыма для абазначэньня мільёнаў. Што тады нам рабіць? Здацца? Не, але разьвівацца далей — наноў народжаная нашая нацыя павінна загаварыць, загаварыць на роднай мове.

Сёньня спаўняецца 26 год, як рэжым разадраў Бел-Чырвона-Белы сьцяг і вынес сьмяротны прысуд роднай Мове.

Але вось паўстала нацыя — і ўзьняла свой Сьцяг. Пакуль нам было добра, калі мільёны маглі абазначыць сябе маршамі ці сьцягамі, мы ня думалі пра Мову. Цяпер нам кепска, цяпер мы стогнем у бетонных камерах і на жалезных нарах, плачам, чытаючы жахлівыя навіны. Цяпер нас непакоіць думка: што рабіць далей?! Далей вярнуць сабе родную Мову, як мы вярнулі сабе родны Сьцяг!

Сёньня, у 26-ю гадавіну першага антыканстытуцыйнага перавароту няхай кожны патрыёт пачне гаварыць.

Калі сёньня мільёны прыхільнікаў пераменаў скажуць у краме замест «спасибо» — «дзякуй», а набываючы жэтончык замест «пожалуйста» — «калі ласка», а на працы замест «здравствуйце» — «прывітаньне», то толькі гэтыя тры словы скалануць асновы акупацыйнай адміністрацыі.

14 траўня 1995 году, у той найчарнейшы дзень гісторыі Беларусі, манкурты былі перакананыя, што перамаглі назаўжды. Дакажам ім сёньня, што перамаглі мы, бо што перамагла Праўда, бо перамагла мова Янкі Купалы і ягонае Слова, Слова «Жыве Беларусь!».

Чытайце таксама:

«Для палітычных стварылі паралельныя ўмовы ўтрымання». Дашкевічу далі 20 сутак

Наста Дашкевіч пра ўмовы ўтрымання мужа: Для палітычных стварылі гета

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
май чэрвень ліпень
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30