Вакцынаваным жыхарам ЗША дазволілі не насіць маскі і не трымаць дыстанцыю
Цэнтры па кантролі і прафілактыцы захворванняў ЗША (CDC) дазволілі жыхарам краіны, якія цалкам прайшлі вакцынацыю супраць каранавіруса, адмовіцца ад нашэння масак і прытрымлівання дыстанцыі на вуліцы і ў памяшканнях.
Любы, хто цалкам вакцынаваны, можа ўдзельнічаць у мерапрыемствах у памяшканні і на дварэ без маскі або фізічнага дыстанцыявання.
Пры гэтым амерыканцы, якія завяршылі вакцынацыю, павінны працягваць насіць маскі і трымаць дыстанцыю, калі гэтага патрабуюць федэральныя або тэрытарыяльныя законы, а таксама правілы мясцовага бізнэсу. Таксама яны павінны насіць маскі ў грамадскім транспарце, у аэрапортах і на вакзалах.
Цяпер у ЗША адобраны тры вакцыны: Pfizer або Moderna, якія патрабуюць увядзення двух доз, і Johnson & Johnson, якая прадугледжвае ўвядзенне адной дозы.
На дадзены момант хаця б адну дозу вакцыны атрымалі 154 мільёны жыхароў краіны (46% насельніцтва). Цалкам вакцынаванымі лічацца 117,6 мільёна чалавек (35% насельніцтва).
