Жыхарку Ждановічаў аштрафавалі на 1160 рублёў за дзве БЧБ-налепкі ў ліфце
На 54-гадовую Юлію Грыневіч у Ждановіцкім РАУСе склалі адразу два пратаколы па арт. 24.23 КаАП за пікетаванне 21 і 22 красавіка ў ліфце яе дома, паведамляюць праваабаронцы.
Згодна з пратокаламі «21 і 22 красавіка каля 8:00 у ліфце дома ў Ждановічах Грыневіч размясціла дзве БЧБ-налепкі, тым самым правяла адзіночны пікет».
Суддзя Кропачаў цікавіўся, з якой мэтай яна размяшчала налепкі і ці звязана гэта з сітуацыяй у краіне. Суду Юлія паведаміла, што даглядае маці і мае афіцыйнае пацвярджэнне.
У матэрыялах справы таксама ёсць фотаздымкі з камер відэаназірання ў ліфце, на якіх бачна Юлію. 7 мая за 7 хвілін суддзя Мінскага раёна Кропачаў змог дасканала азнаёміцца з матэрыяламі справы, выслухаць Юлію і прыняць рашэнне. Вынік — 40 базавых (1160 рублёў).
