Знайсці
05.05.2021 / 15:51

Прызёр Алімпіяды Андрэй Краўчанка скончвае 10-дзённую галадоўку салідарнасці — ён скінуў 11 кілаграмаў

Губляў прытомнасць, хацеў спыніцца, але вытрымаў.

25 красавіка алімпійскі прызёр лёгкаатлет Андрэй Краўчанка абвясціў 10-дзённую галадоўку ў знак салідарнасці з палітвязнямі. Тэрмін галадоўкі вызначаны невыпадкова — столькі дзён ён разам з баксёрам Іванам Ганіным правёў у Жодзінскай турме ў лістападзе 2020-га. Ужо ў першыя дні пасля пачатку акцыі Краўчанка скінуў амаль пяць кілаграмаў, але трымаўся ўпэўнена, трэніраваўся і быў перакананы, што ўсё не дарма.

Павялічыць

Першыя дні спартовец нават трэніраваўся, каб адагнаць думкі пра ежу. Але пасля пачаў губляць прытомнасць, з носа ішла кроў, з'явілася слабасць і галавакружэнне. 5 мая Краўчанка завяршае 10-дзённую галадоўку піша Tribuna.com.

Ён расказаў, што самымі цяжкімі былі 9-я суткі. Адзін раз, рэзка ўстаўшы, спартовец знепрытомнеў. Але знайшоў сілы адмовіцца ад прапанаванай талеркі супу.

Краўчанка цягам 10 дзён піў толькі ваду і скінуў па выніку 11 кг. «Сам сябе баюся», —жартуе ён.

«Пару разоў у Instagram напісалі мне, што я захацеў папіярыцца, а заадно і схуднею. Блін, нафіг мне гэта трэба — так здзекавацца з сябе дзеля пахудзення? Які піяр можа быць у галадоўцы? Але гэта былі такія акаўнты, у якіх 0 падпісчыкаў, 0 пастоў. Пыталіся, навошта я выстаўляю фота «да» і «пасля». Зразумейце, я хачу паказаць людзям, што такое галадоўка. Ад людзей, якія сядзяць у турмах, наогул нічога не застаецца. Я наогул не разумею, як [палітвязень Ігар] Лосік галадаў 27 дзён. Што ад яго засталося? Калі я падаю на дзявяты дзень, выглядаю, як дрышч, што ад Ігара засталося па сканчэнні амаль месяца? Думаю, ён хадзіў па рысе, быў на мяжы жыцця і смерці», — сказаў сярэбраны прызёр Алімпійскіх гульняў.

З галадоўкі ён збіраецца выходзіць цягам 7 дзён і ад заўтра пачне піць маркоўны сок.

Чытайце таксама: «За кратамі сядзяць сапраўдныя героі»: сярэбраны прызёр Алімпіяды Андрэй Краўчанка абвясціў галадоўку

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
май чэрвень ліпень
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30