Знайсці
04.05.2021 / 08:29

Біл Гейтс разыходзіцца з жонкай пасля 27 гадоў шлюбу

Заснавальнік карпарацыі Microsoft амерыканскі бізнэсовец Біл Гейтс паведаміў, што разыходзіцца са сваёй жонкай Меліндай. Пра гэта ён напісаў у Twitter.

«Пасля доўгіх разважанняў і вялікай працы над нашымі адносінамі мы прынялі рашэнне скасаваць наш шлюб», — паведаміў 65-гадовы філантроп і прадпрымальнік.

Гейтс адзначыў, што за 27 гадоў у шлюбе яны з Меліндай выгадавалі траіх дзяцей і стварылі фонд, які працуе па ўсім свеце на карысць здароўя людзей. «Мы па-ранейшаму падзяляем веру ў гэтую місію і будзем працягваць нашу сумесную працу ў фондзе, але мы больш не верым, што зможам развівацца разам як пара на наступным этапе нашага жыцця», — падкрэсліў бізнесмен.

Заснавальнік Microsoft папрасіў усіх паважаць іх асабістую з жонкай прастору і даць магчымасць адасобіцца, каб лепш зарыентавацца ў новым статусе.

Паводле Forbes, багацце Гейтса ацэньваецца ў $124 млрд, ён займае чацвёртае месца ў свеце і трэцяе ў ЗША ў спісе самых багатых людзей. У сваім паведамленні пра развод мільярдэр не згадваў пра падзел актываў з жонкай, адзначае РБК.

Біл Гейтс пазнаёміўся з будучай жонкай на прэс-брыфінгу Microsoft у 1987 годзе. На той момант Мелінда Фрэнч (дзявочае прозвішча) на працягу некалькіх гадоў працавала ў кампаніі на пасадзе менеджара аддзела продажаў.

У 1994 годзе пара ўзяла шлюб. У іх нарадзіліся трое дзяцей — дочкі Джэніфер і Фібі і сын Роры.

У 2000 годзе пара заснавала Фонд Біла і Мелінды Гейтс, які з'яўляецца найбуйнейшым прыватным фондам ЗША, што з таго часу выдаткаваў больш за $53 млрд. Асноўнымі мэтамі арганізацыі з'яўляюцца павышэнне даступнасці аховы здароўя, барацьба з галечай, пашырэнне доступу да інфармацыйных тэхналогій і адукацыі.

Гейтсы — сярод самых буйных у свеце спонсараў Сусветнай арганізацыі аховы здароўя. Акрамя таго, іх фонд займаецца развіццём сельскай гаспадаркі. У студзені 2021 Гейтса прызналі самым буйным прыватным землеўладальнікам у ЗША — яму належыць больш за 1 тыс. кв.км зямлі, у тым ліку 979, 3 кв. км сельгасугоддзяў.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31