Знайсці
03.05.2021 / 17:43

У Мінску 18-гадовага студэнта асудзілі на два гады хіміі за выхад на дарогу і «дзеянні з выкарыстаннем рупара»

Пазоў на карысць «Мінсктранса» ў 18 тысяч рублёў выдзелены ў асобную вытворчасць.

3 мая суд Першамайскага раёна Мінска вынес прысуд 18-гадоваму Мацвею Будніцкаму. Яго прызналі вінаватым паводле артыкула 342 Крымінальнага кодэкса і асудзілі на два гады абмежавання волі з накіраваннем у папраўчую ўстанову адкрытага тыпу — «хімію». Менавіта такое пакаранне прасіў пракурор. Пазоў на карысць «Мінсктранса» (каля 18 тысяч рублёў) выдзелены ў асобную грамадзянскую вытворчасць, паведамляюць праваабаронцы.

Мацвей — студэнт трэцяга курса Мінскага каледжа прадпрымальніцтва, працуе экспедытарам. Падчас папярэдняга следства не знаходзіўся пад вартай.

Справу разгледзела суддзя Анастасія Кулік, пракурор — Зубко. Адвакат — Захар Ладуцька.

Мацвея Будніцкага прызналі вінаватым у тым, што чацвёртага кастрычніка на праспектах Машэрава і Пераможцаў, а таксама вуліцах Прытыцкага, Любімава, Сурганава, Кальварыйскай і Прылуцкай ён «узяў актыўны ўдзел у масавым мерапрыемстве», «дзейнічаў сумесна і ўзгоднена ў групавых дзеяннях, з выкарыстаннем рупара» — паводле абвінавачвання, гэта пацягнула парушэнне працы транспарту і прадпрыемстваў. На Сурганава абвінавачаны таксама выйшаў на праезную частку: гэтыя дзеянні прыпынілі працу грамадскага транспарту. Пракурор упэўнены, што вінаватасць пацвярджаецца паказаннямі абвінавачанага і сведкі, а таксама пісьмовымі матэрыяламі справы.

«Я ўсведамляю, што аступіўся і прызнаю віну, — сказаў Мацвей у апошнім слове. — Я пачаў цаніць кожнае імгненне і ўдзячны за падтрымку бацькам і братам. Прашу не пазбаўляць мяне магчымасці заставацца карысным грамадству, я ўдзельнічаю ў валанцёрскіх праектах і хачу далей працягнуць гэта рабіць. Прашу даць мне магчымасць скончыць навучанне: не абмяжоўваць мне свабоду і прызначыць штраф».

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31