168 дзён у космасе: карабель Ілана Маска Crew Dragon з астранаўтамі вярнуўся на зямлю

Касмічны апарат Crew Dragon з чатырма астранаўтамі на борце паспяхова прывадніўся ў Мексіканскім заліве.

Пра гэта паведамляе NASA.

Splashdown of Dragon confirmed – welcome back to Earth, @AstroVicGlover, @Astro_illini, Shannon Walker, and @Astro_Soichi! pic.twitter.com/jEVQMyOgQT

— SpaceX (@SpaceX) May 2, 2021

Астранаўты Майкл Хопкінс, Віктар Гловер, Шэнан Уокер ад NASA і Соічы Ногучы з Японскага агенцтва аэракасмічных даследаванняў (JAXA) правялі ў космасе 168 дзён, з 16 лістапада 2020 года. Іх вяртанне — завяршэнне місіі Crew-1, першага нятэставага пілатаванага палёту апарата да Міжнароднай касмічнай станцыі (МКС).

У 03:35 па мінскім часе карабель адстыкаваўся ад МКС і ўзяў курс на Зямлю. Дарога дадому заняла каля сямі гадзін.

Пасля прываднення капсулу з астранаўтамі падняло пошукава-выратавальнае судна GO Navigator.

Вяртанне касмічнага апарата адбывалася ноччу і стала для NASA першым начным прывадненнем з 1968 года, калі карабель «Апалон-8» вярнуўся з першай місіі.

Crew Dragon — гэта першы прыватны пілатаваны карабель вытворчасці кампаніі SpaceX Ілана Маска.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0