Мінгарвыканкам: Вадаправод парамантавалі, але ваду з-пад крана пакуль лепш не піць
22 красавіка ў 0.15 пашкоджанне вадаправода ў Чыжоўцы было цалкам лакалізавана, водазабеспячэнне ў пацярпелых раёнах аднаўляецца.
Фота Tut.by
Пра гэта паведаміў тэлеграм-канал Мінгарвыканкама.
Цяпер спецыялісты Мінскага гарадскога цэнтра гігіены і эпідэміялогіі і «Мінскводаканала» ажыццяўляюць лабараторны кантроль якасці вады ў пацярпелых раёнах сталіцы.
«Да атрымання вынікаў даследаванняў рэкамендуем выкарыстоўваць у пітных мэтах бутыляваную альбо прывазную ваду», — кажа Святлана Ярмак, галоўны санітарны доктар Мінска.
Трубы прарвала ўвечары 21 красавіка на вуліцы Убарэвіча ў Чыжоўцы. Відавочцы казалі, што з-пад зямлі біў фантан вады.
Праз гэта ў Серабранцы, Чыжоўцы, Лошыцы, Курасоўшчыне і іншых раёнах не працаваў вадаправод.
Каментары
Каб пакінуць каментар, калі ласка, актывуйце JavaScript у наладах свайго браўзера
Жонка айцішніка скардзіцца, як ім цяжка ў эміграцыі
 3
У Гомелі бацькі назвалі сына Космас
 10
Каб скарыстацца календаром, калі ласка, актывуйце JavaScript у наладах свайго браўзера