Павіншаваць ветэрана прыехаў у Мінск асабіста Леанід Якубовіч
Ветэран Вялікай Айчыннай вайны Павел Ярашэнка атрымаў незвычайнае віншаванне з Днём Перамогі. Павіншаваць Паўла Сафронавіча прыляцеў шоўмен, вядучы «Поля цудаў» Леанід Якубовіч, у якога даўнія цёплыя адносіны з Беларуссю, паведамляе Мінабароны.
Разам яны ўсклалі кветкі да мемарыяла загінулых лётчыкаў і пасадзілі дрэвы ў парку авіяцыйнага клуба.
Паўлу Сафронавічу — 96 гадоў. На фронт ён пайшоў у 1943-м, служыў старшым сувязістам. Перамогу сустрэў 9 мая ў Берліне. Пасля заканчэння вайны і да сённяшняга дня працуе ваенным журналістам.
Варта адзначыць, што гэтым візітам у Беларусь Леанід Якубовіч не абмежаваўся.
Ён таксама наведаў 87-гадовую Зінаіду Калоднік з вёскі Міроны, што ў Дзяржынскім раёне. Яе праўнучка напісала шоўмену ліст, дзе папрасіла новы тэлевізар і дровы. Якубовіч асабіста прыехаў з падарункамі.
mlyn.by
