Сёння — 30-годдзе з моманту адраджэння структур Каталіцкага касцёла ў Беларусі
13 красавіка адзначаецца 30-годдзе адраджэння структур Каталіцкага Касцёла ў Беларусі і ўстанаўлення Мінска-Магілёўскай архідыяцэзіі, паведамляе catholic.by.
Фота Віталя Палінеўскага, catholic.by
13 красавіка 1991 года булай Ex quadam Ян Павел ІІ устанавіў Мінска-Магілёўскую архідыяцэзію і Мітраполію, адрадзіўшы такім чынам касцельныя структуры на тэрыторыі незалежнай Беларусі пасля дзесяцігоддзяў савецкай улады.
З гэтай нагоды ў нядзелю 18 красавіка ў мінскім кафедральным касцёле Найсвяцейшага Імя Марыі а 13-й гадзіне адбудзецца ўрачыстая святая Імша.
Удзел у ёй возьмуць апостальскі адміністратар Мінска-Магілёўскай архідыяцэзіі Казімір Велікаселец, арцыбіскуп Тадэвуш Кандрусевіч і дапаможны біскуп Мінска-Магілёўскай архідыяцэзіі Аляксандр Яшэўскі.
У гэты час дапаможны біскуп Мінска-Магілёўскай архідыяцэзіі Юрый Касабуцкі духоўна далучыцца да малітвы ў цэлебрацыі святой Імшы з сакрамантам канфірмацыі, якую ўзначаліць у касцёле святога Арханёла Міхала ў Івянцы.
Іерархі шчыра запрашаюць вернікаў да ўдзелу ў супольнай малітве за далейшае развіццё Касцёла ў Беларусі.
