Драма «Зямля качэўнікаў» атрымала прэмію BAFTA як найлепшы фільм
Драматычны фільм «Зямля качэўнікаў» амерыканскага рэжысёра кітайскага паходжання Хлоі Чжаа ўдастоена прэміі Брытанскай акадэміі кіно і тэлевізійных мастацтваў (BAFTA) як найлепшы фільм, стаўшы галоўным пераможцам гэтага года, піша РБК.
Кадр з фільма «Зямля качэўнікаў» / Cor Cordium Productions
Пра гэта было абвешчана на 74-й цырымоніі ўручэння галоўнай кінапрэміі Вялікабрытаніі, якая прайшла ў анлайн-фармаце.
Агулам «Зямля качэўнікаў», якая прэтэндавала на сем узнагарод, атрымала чатыры «Бронзавыя маскі». Акрамя перамогі ў намінацыі «найлепшы фільм», карціна ўдастоілася ўзнагарод за «найлепшую аператарскую работу» (Джошуа Джэймс Рычардс), «найлепшую жаночую ролю» (Фрэнсіс Макдорманд), а таксама за «найлепшую рэжысёрскую працу» (Хлоя Чжаа).
«Зямля качэўнікаў» ужо паспела атрымаць прыз 77-га Венецыянскага кінафестывалю, а таксама амерыканскія прэміі «Выбар крытыкаў» (Critics' Choice Movie Awards) і «Залаты глобус».
Акрамя таго, карціна намінаваная на прэмію «Оскар» у шасці катэгорыях (цырымонія пройдзе 25 красавіка).