«Гэта незразумела чые інтэрпрэтацыі». Карпенка пракаментаваў новаўвядзенні адукацыйнага кодэкса
Новы Кодэкс аб адукацыі стаў адной з тэм, якія абмяркоўваюцца на мінулым тыдні. Міністр адукацыі Ігар Карпенка ў эфіры тэлеканала СТБ пракаментаваў адзін з пунктаў новага Кодэкса аб адукацыі, згодна з якім бацькі нібыта не маюць права ўмешвацца ў навучальны працэс.
«Гэта незразумела чые інтэрпрэтацыі. Я б гэтым распаўсюднікам інфармацыі, якія робяць гэта ў Telegram-каналах, параіў бы ўзяць кодэкс (ён, дарэчы, ёсць у вольным доступе) і пачытаць яго. Але гэта ж складана — 500 старонак — трэба прачытаць, знайсці адпаведны артыкул. Дарэчы, артыкул аб тым, што бацькі маюць права атрымліваць інфармацыю аб адукацыйным працэсе, аб тым, як ён ажыццяўляецца, яго змест, ён застаўся некрануты.
Адзінае, што мы дадалі: парадак прадастаўлення гэтай інфармацыі вызначае ўстанова адукацыі. Гэта лагічна. Уявіце, калі ў школе вучыцца тысяча навучэнцаў і за адзін раз прыйдзе тысяча бацькоў, гэта будзе калапс у школе. Вядома, установа адукацыі павінна вызначыць парадак, як гэта робіцца. І гэта натуральна, таму што бацькі — такія ж удзельнікі адукацыйнага працэсу і бясспрэчна, без бацькоў немагчыма вырашаць многія рэчы. Калі дзіця нематываванае на вучэбную дзейнасць, то адных намаганняў педагога недастаткова — патрэбныя яшчэ і намаганні бацькоў, стварэнне адпаведных умоў дома і адпаведная матывацыя», — сказаў міністр.
