Знайсці
10.04.2021 / 11:36

Статкевіч расказаў, каго яшчэ будуць судзіць разам з ім. Сярод названых — Ціханоўскі і Лосік

У лісце Мікалая Статкевіча з турмы за 28 сакавіка палітык паведаміў падрабязнасці справы, па якой ён праходзіць абвінавачаным. 

Павялічыць

Мікалай Статкевіч. Фота Надзеі Бужан

«Судзіць» разам са мной будуць яшчэ Сяргея Ціханоўскага, Арцёма Сакава, Дзмітрыя Папова, Уладзіміра Цыгановіча, Ігара Лосіка. Кожнага з нас абвінавачваюць па арт. 293 ч. 1. Акрамя таго, ва ўсіх «саўдзельнікаў», за выключэннем аднаго мяне, ёсць яшчэ дадатковыя артыкулы КК.

Сутнасць «злачынства» апісана ў «абвінавачванні» надзвычай шматслоўна і заблытана. Але коратка яго можна апісаць так: нашы крытычныя да ўлады выказванні ў інтэрнэце выклікалі рост пратэсных настрояў і прывялі да збора «неарганізаванай масы людзей», якія здзейснілі «масавыя беспарадкі». Значыць, мы — арганізатары гэтых «беспарадкаў». Логіка!» — піша Статкевіч.

Ён адзначае, што пачаў знаёміцца з матэрыяламі справы — гэта 110 тамоў, таму азнаямленне можа расцягнуцца на месяц. Палітык адзначыў, што пачуваецца добра і папрасіў не хвалявацца за яго.

Артыкул, пра які гаворыць Статкевіч, — гэта «Арганізацыя масавых беспарадкаў, якія суправаджаліся гвалтам над асобай, пагромамі, падпаламі, знішчэннем маёмасці альбо ўзброеным супрацівам прадстаўнікам улады». Пакаранне — пазбаўленне волі на тэрмін ад пяці да пятнаццаці гадоў.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31