Знайсці
09.04.2021 / 23:55РусŁacБел

Амерыканская разведка выдала змрочны прагноз на наступныя 20 год

Нацыянальная рада па разведцы (ЗША) абнародвала 150-старонкавы даклад з прагнозамі на тое, што будзе чакаць свет у найбліжэйшыя 20 гадоў.

Як сведчыць дакумент пад назвай Global Trends 2040, пандэмія кавіду ўзмацніла эканамічную няроўнасць і нацыяналістычныя настроі, а таксама нагрузку на дзяржаўныя бюджэты краін.

Але амерыканскія эксперты кажуць, што наступныя 20 год будуць яшчэ цяжэйшымі. Па іх словах, рост насельніцтва Зямлі запаволіцца, а значыць, яго сярэдні ўзрост павысіцца, стан клімату і міжнародныя адносіны яшчэ больш пагоршаюць. Пры гэтым ранейшыя прадказанні экспертаў Рады спраўдзіліся. Так, у мінулай версіі даклада выказвалася здагадка, што ў 2020-х можа здарыцца сусветная пандэмія, праз якую знізіцца колькасць міжнародных падарожжаў, піша Daily Mail.

У цяперашняй версіі даклада ёсць аналіз пандэміі. Эксперты называюць яе найбольш значным прыкладам глабальнай дэстабілізацыі з часоў Другой сусветнай вайны і сцвярджаюць, што яшчэ шмат гадоў чалавецтва будзе сутыкацца з наступствамі кавіду ў розных сферах жыцця і з выкліканымі пандэміяй няпэўнасцямі.

Але эксперты Рады па разведцы знаходзяць прычыны для клопату не толькі ў наступствах кавіду. Напрыклад, яны лічаць, што праз змены клімату павялічыцца недахоп вады і прадуктаў у бедных краінах і ўзмацніцца міграцыя. Таксама ў дакладзе гаворыцца, што старэнне насельніцтва і наступствы пандэміі выклікаюць пагаршэнне ўзроўню адукацыі і медыцыны.

Што датычыць палітыкі, Рада сцвярджае, што насельніцтва будзе губляць давер да ўрадаў і інстытутаў. Прадстаўнікі дзяржаўнага і недзяржаўнага сектараў будуць змагацца за лідарства ў навуцы і тэхналогіі, што выклікае патэнцыйна высокія рызыкі ў сферах эканамічнай, ваеннай і сацыяльнай бяспекі.

НФ

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031