Знайсці
09.04.2021 / 15:14РусŁacБел

Сустрэча з прадстаўнікамі партыі Бабарыкі «Разам» у Маладзечне не адбылася. Умяшалася міліцыя

8 красавіка ў Маладзечна каманда партыі «Разам» планавала пабачыцца з мясцовымі жыхарамі. Гэта павінна была быць першая сустрэча з прадстаўнікамі планаванай партыі, аб намеры стварыць якую заявілі ўдзельнікі штаба Віктара Бабарыкі.

«Рэгіянальная газета»

Сустрэча не змагла адбыцца ў поўным запланаваным фармаце. Як тлумачаць прадстаўнікі штаба, «паўстала непаразуменне з боку прадстаўнікоў МУС», паведамляе «Рэгіянальная газета».

Перад пачаткам сустрэчы сябра каманды партыі «Разам» Максім Баграцоў кансультаваўся з кіраўніцтвам мясцовага РАУС. «Дасягнуць паразумення ў дачыненні да статусу нашага мерапрыемства ў гэты раз не атрымалася» — расказалі прадстаўнікі штаба.

Каля дзесяці маладзечанцаў прыйшлі на мерапрыемства, дзе сустрэчу пачалі праводзіць валанцёры штаба, аднак неўзабаве ў памяшканне прыйшлі супрацоўнікі Маладзечанскага РАУС. Яны паведамілі, што мерапрыемства несанкцыянаванае, і заклікалі разысціся. Затрыманняў не было.

«Праца над арганізацыяй сустрэч у гарадах Беларусі працягваецца, вопыт Маладзечна будзе ўлічаны пры падрыхтоўцы наступных сустрэч», — сказалі прадстаўнікі штаба.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031