Знайсці
09.04.2021 / 10:16

Генпракуратура завяла крымінальную справу па факце генацыду ў гады вайны

Генеральная пракуратура завяла крымінальную справу па факце генацыду насельніцтва Беларусі ў гады Вялікай Айчыннай вайны і ў пасляваенны перыяд, заявіў журналістам генеральны пракурор Андрэй Швед, піша БЕЛТА.

Павялічыць

БелТА

«У мэтах сацыяльнай і гістарычнай справядлівасці, ліквідацыі «белых» плям гісторыі, умацавання канстытуцыйнага ладу і нацыянальнай бяспекі мною заведзена крымінальная справа па факце генацыду насельніцтва Беларусі», — адзначыў Андрэй Швед.

Паводле яго слоў, звесткі з крымінальнай справы дазволяць паставіць перад міжнароднымі арганізацыямі пытанне аб прызнанні Беларусі пацярпелай ад генацыду, спыніць спробы абясцэніць гістарычныя факты.

«Вынікі расследавання будуць пакладзены ў аснову ідэалагічнай вучэбна-выхаваўчай і інфармацыйнай працы. Для таго каб праз разуменне гісторыі зберагчы пераемнасць паміж пакаленнямі і памяць народа, вывучэнне генацыду беларускага народа варта ўпісаць ва ўсе абавязковыя адукацыйныя праграмы», — падкрэсліў генпракурор.

Швед адзначыў, што ў дачыненні да беларускай дзяржавы да цяперашняга часу праводзіцца агрэсіўная палітыка з боку шэрагу еўрапейскіх дзяржаў. Паводле яго слоў, завядзенне крымінальнай справы па факце генацыду — новы этап у барацьбе з рэабілітацыяй нацызму.

Таксама Швед дадаў, што Генпракуратура звернецца ў Нюрнберг пры расследаванні справы аб генацыдзе.

«Сутнасць гэтага расследавання і прадмет, вядома, у першую чаргу мае на ўвазе неабходнасць звароту ў кампетэнтныя органы шэрагу дзяржаў з просьбай аб аказанні прававой дапамогі. Аб'ектыўна мы разлічваем на аператыўную дапамогу ведамстваў і архіваў Расіі, дзе, па нашых звестках, сабрана і маецца досыць шмат дакументаў аб генацыдзе беларусаў і іншых асоб, якія пражывалі на тэрыторыі БССР у перыяд Вялікай Айчыннай вайны. Вядома, мы звернемся па дапамогу да ведамстваў і ўстаноў ФРГ, якія ў свой час займаліся расследаваннем фактаў генацыду на тэрыторыі БССР», — сказаў генпракурор.

Андрэй Швед таксама заявіў, што Беларусь будзе дабівацца выдачы ваенных злачынцаў.

«Асобны кірунак — гэта, вядома, складанне спісаў усіх памерлых і жывых злачынцаў. У дачыненні да апошніх мы будзем збіраць матэрыялы з просьбай аб правядзенні працэсуальных дзеянняў у дачыненні да гэтых асоб на тэрыторыі тых дзяржаў, дзе яны пражываюць, і ставіць пытанне аб іх выдачы для адкрытага суда на тэрыторыі Беларусі. Альбо рыхтаваць матэрыялы для прыцягнення гэтых асоб у міжнародных інстанцыях, трыбуналах, якія расследавалі, разглядалі раней крымінальныя справы ў дачыненні да ваенных злачынцаў», — адзначыў генпракурор

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31