Знайсці
09.04.2021 / 09:41

З Намібіі дэпартавалі беларуску, асуджаную ў свой час за махінацыі з палівам

Вікторыя Цунік, якая знаходзіцца ў міжнародным вышуку з 2009 года, дастаўлена ў Мінск. Жанчыну выдала Намібія, паведамляе Tut.by са спасылкай на прэс-службу Генеральнай пракуратуры.

Павялічыць

Фота Вадзіма Заміроўскага

Вікторыя Цунік у 2006 годзе была прызнаная вінаватай у службовых злачынствах і легалізацыі матэрыяльных каштоўнасцяў, набытых злачынным шляхам, і асуджаная да пазбаўлення волі тэрмінам на 5 гадоў 6 месяцаў.

— Ад выканання гэтага прысуду Цунік ухілілася, у сувязі з чым у студзені 2009 года яна абвешчаная ў міжнародны вышук, — распавялі ў Генпракуратуры.

Паводле звестак ведамства, жанчына хавалася ў розных краінах Афрыкі, у тым ліку Анголе і Намібіі. Пасля ўстанаўлення месцазнаходжання Цунік на тэрыторыі вобласці Замбезі Намібіі Генпракуратура звярнулася з запытам аб экстрадыцыі яе ў Беларусь.

— Нягледзячы на кароткія тэрміны перадачы Цунік, устаноўленыя намібійскім бокам, складанасці з прапрацоўкай маршруту этапавання, абмежаванасць часу для падрыхтоўкі і пераводу дадатковых матэрыялаў з мэтай атрымання дазволу на транзітную перавозку выдадзенай асобы па тэрыторыі некалькіх замежных дзяржаў, асуджаная ў суправаджэнні спецканвою МУС Рэспублікі Беларусь 30 сакавіка дастаўлена ў Мінск. Цяпер Цунік знаходзіцца ў беларускай пенітэнцыярнай установе, — паведамілі ва ўстанове.

Прадпрымальніцу з Віцебска Вікторыю Цунік у 2005 годзе абвінавацілі ў махінацыях з палівам. Суд Чыгуначнага раёна Віцебска прысудзіў яе да пяці з паловай гадоў пазбаўлення волі з канфіскацыяй маёмасці.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31