Знайсці
08.04.2021 / 16:56

У ЗША прайшла першая аперацыя па трансплантацыі трахеі

Гэта дае надзею пацыентам, якія маюць сур’ёзныя пашкоджанні трахеі ад апаратаў штучнай вентыляцыі лёгкіх.

Павялічыць

Фота The Guardian

Хірургі ў Нью-Ёрку правялі першую ў свеце трансплантацыю трахеі. Гэтае дасягненне ў будучыні можа выратаваць жыццё тысячам пацыентаў з прыроджанымі дэфектамі трахеі, невылечнымі захворваннямі дыхальных шляхоў або пухлінамі, піша The Guardian.

Дактары сцвярджаюць, што аперацыі такога кшталту могуць дапамагчы пацыентам, якія перахварэлі на кавід, але цяпер пакутуюць ад пашкоджанняў дыхальных шляхоў пасля апаратаў штучнай вентыляцыі лёгкіх.

56-гадовая Соня Сэйн 6 гадоў мела праблемы з дыханнем пасля лячэння цяжкай дыхавіцы, якая пашкодзіла яе трахею. Каб выратаваць пацыентку ад прыступу, дактары скарысталіся дыхальным апаратам, што моцна пашкодзіў яе трахею. Некалькі аперацый па аднаўленні трахеі не дапамаглі. Аднак цяпер яна зноў можа свабодна дыхаць пасля трансплантацыі.

Эксперты сцвярджаюць, што пакуль рана лічыць трансплантацыю трахеі абсалютным поспехам, бо пацыентка будзе вымушаная на працягу некалькіх гадоў прымаць лекі, каб прадухіліць ускладненні. Тым не менш, такая аперацыя з’яўляецца вялікім крокам наперад.

Аперацыя доўжылася 18 гадзін, а ўдзел у ёй узялі больш за 50 спецыялістаў. Падчас аперацыі дактары выдалілі ў донара трахею, а затым злучылі яе з крывяноснымі сасудамі рэцыпіента.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30