Знайсці
08.04.2021 / 15:18

Беларусь і Расія могуць завяршыць узгадненне дарожных карт па інтэграцыі ў маі

Раней казалі пра красавік.

Павялічыць

БелТА

Беларусь разлічвае ў маі 2021 года завяршыць працу з Расійскай Федэрацыяй па ўзгадненні дарожных карт па інтэграцыі. Пра гэта паведаміў журналістам у чацвер пасол Уладзімір Сямашка пасля сустрэчы з членамі ўрада Арэнбургскай вобласці падчас візіту ў рэгіён, піша ТАСС.

«Мы цяпер працуем, ужо ва ўсіх на слыху дарожныя карты, я павінен праінфармаваць, што мы ўжо блізкія да таго, каб гэтыя дарожныя карты былі скончаныя. На сённяшні момант з 28 21 карта ўзгоднена, засталося прапрацаваць літаральна сем карт. <…> Я вельмі спадзяюся, што мы не пазней за май нарэшце ўсе гэтыя карты ўзгоднім, узгоднім новую праграму руху нашай Саюзнай дзяржавы і прынцыпова новую платформу, бо эканамічная платформа будзе створана, а гэта важна», — сказаў Сямашка.

Паводле яго слоў, ідзе праца па стварэнні эканамічнага базісу Саюзнай дзяржавы. Сямашка таксама анансаваў сустрэчы ў Маскве адказных за ўзгадненне інтэграцыйных карт віцэ-прэм'ераў Расіі і Беларусі і сустрэчу ў сярэдзіне красавіка прэм'ер-міністраў Рамана Галоўчанкі і Міхаіла Мішусціна. «Там ужо нейкія моманты, якія не ўдалося на ўзроўні намеснікаў міністраў, міністраў вырашыць, будуць вырашаны», — удакладніў ён.

Сямашка раней заявіў, што Масква і Мінск могуць завяршыць узгадненне пазасталых дарожных карт па інтэграцыі да канца красавіка. Паводле яго слоў, у гэтым выпадку самі карты і праграму іх рэалізацыі можна будзе падпісаць у першай палове года.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30