Знайсці
08.04.2021 / 10:37

Павел Латушка стварае палітычную партыю

«Парламенцка-прэзідэнцкая рэспубліка — найлепшы спосаб пазбегнуць паўтарэння дыктатуры ў будучыні. Ініцыяванне стварэння партыі — гэта таксама інструмент для ціску на рэжым у сучаснасці, які дэманструе нашу абсалютную веру ў перамогу», — кажа ён у сваім звароце.

Паводле Латушкі, партыя — дзейсны інструмент для рэалізацыі мэтаў у дэмакратычным грамадстве: «Мы плануем удзельнічаць у будаўніцтве Новай Беларусі і яе палітычным жыцці. Для гэтага нам спатрэбіцца структура, якой і стане партыя».

Павел Латушка зазначае, што важна прыступіць да стварэння палітычнай структуры яшчэ да сыходу Лукашэнкі, каб мець магчымасць своечасова адрэагаваць на палітычны вакуум, які ўтвараецца пасля гэтай падзеі.

«Мы фактычна працуем на апярэджанне. Мы разумеем, што ў бягучых рэаліях наўрад ці магчыма зарэгістраваць партыю, але загадзя рыхтуемся да таго, каб зрабіць гэта, як толькі ў краіне з'явяцца палітычныя і прававыя ўмовы. Хутка мы прадставім бяспечную платформу для аб'яднання аднадумцаў у будучую партыю», — кажа ён

Латушка падкрэслівае, што варта быць гатовым, што Лукашэнка пад уплывам знешніх сіл створыць сваю партыю і кішэнныя, каб прадэманстраваць псеўдадэмакратыю, таму дэмакратычныя партыі пры падтрымцы беларусаў заблакуюць яго задумы.

Экс-дырэктар Купалаўскага дадае, што НАУ працягне дзейнасць і спыніць працу, як толькі краіна атрымае новага, законна абранага прэзідэнта.

Раней пра намер стварыць партыю «Разам» заявіла група людзей, якія былі блізкія да штаба Віктара Бабарыкі, але, у адрозненне ад самога Бабарыкі, яго сына, Марыі Калеснікавай і Максіма Знака, застаюцца на свабодзе.

У той жа час некаторыя аналітыкі лічаць, што стварэнне рэальна дзейных новых партыйных структур цяпер немагчымае. Так, папулярны рух хрысціянскіх дэмакратаў ужо амаль 15 гадоў не можа зарэгістраваць партыю. У той жа час роля зарэгістраваных палітычных партый у пратэстах 2020 года была нязначная, толькі дапаможная.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30