Знайсці
07.04.2021 / 19:22

Даўно пра вас не чулі. Дзе цяпер лідар КХП-БНФ Юрась Беленькі?

Высветлілася, што яшчэ год таму палітык з’ехаў у ЗША і нават паспеў заснаваць там эмігранцкую суполку.

За апошні год у Беларусі было шмат падзей, з’яўляліся новыя асобы, па-іншаму праяўлялі сябе даўно вядомыя. Але зусім не было чуваць пра Юрася Беленькага, які ў адсутнасць Зянона Пазняка кіраваў партыяй КХП-БНФ у Беларусі.

Павялічыць

Юрась Беленькі на перапахаванні Каліноўскага ў Вільні ў лістападзе 2019 года. Фота Надзеі Бужан

«Наша Ніва» высветліла, што ўжо больш як год таму палітык з’ехаў у ЗША, у паўночны штат Мінесота. Там жа жывуць яго сястра і дачка.

У інтэрв’ю эмігранцкаму выданню «Зеркало» Беленькі кажа: «Амерыка — краіна сапраўднай дэмакратыі. Мы верым, што можам нешта змяніць. У першую чаргу, з дапамогай прыцягнення ўвагі да нашай пазіцыі мясцовых сенатараў, а там глядзіш — і да Кангрэса ўдасца дагрукацца. Рэжым дыктатара Лукашэнкі — злачынны, і ён павінен сысці!»

Беленькі стаў адным з сузаснавальнікаў арганізацыі ў падтрымку перамен у Беларусі. Разам з ім лідарамі суполкі з’яўляюцца браты-бізнэсоўцы Андрэй і Павел Сакурцы. Андрэй — уласнік кампаніі Home Stead Road, якая рамантуе дамы.

«Мы маем стасункі з сем'ямі там, у Беларусі, пераводзім ім грошы, купляем прадукты, аказваем маральную падтрымку. Таксама супрацоўнічаем з беларускімі арганізацыямі дапамогі насельніцтву. Мы хочам, каб гэтыя смелыя людзі, якія паўсталі супраць самавольства ўлады Лукашэнкі, ведалі, што тут, за мяжой, іх падтрымліваюць», — кажа Беленькі.

У Штатах палітык завёў блог на ютубе, дзе шмат гаворыць пра Зянона Пазняка, а таксама крытыкуе ягоных праціўнікаў. Пакуль вялікую папулярнасць блог не займеў.

Павялічыць

Юрась Беленькі. Скрыншот з ютуба.

«НН» стала вядома, што Беленькі першапачаткова ехаў у ЗША ў госці да родных, але ў сувязі з каранавірусам і выбарамі вырашыў пакуль не вяртацца. У 2020 годзе з Беларусі ў Польшчу з’ехаў яшчэ адзін з лідараў КХП-БНФ — Валерый Буйвал.

Юрасю Беленькаму 60 гадоў, ён працаваў начальнікам фінансавага аддзела завода «Ударнік», намеснікам гендырэктара «Амкадор-Траст», быў дэпутатам Вярхоўнага Савета. Пасля эміграцыі Зянона Пазняка выконваў ролю кіраўніка КХП-БНФ унутры Беларусі.

ЗП

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30