У Глуску мужчына пасварыўся ў кавярні з іншай кампаніяй, а потым пратараніў іх на аўто ВІДЭА
Здарэнне адбылося ноччу 4 красавіка каля начной кавярні.
Перад гэтым мужчына разам са знаёмым адпачываў у кавярні і пасварыўся з іншай кампаніяй. Мяркуецца, што гэта і стала прычынай наезду на людзей, паведамляе прэс-служба МУС.
Перад закрыццём бара наведвальнікі выйшлі на вуліцу. Двое з іх селі ў «Аўдзі» і пратаранілі кампанію, якая стаяла на тратуары каля ўваходу.
У выніку наезду пацярпелі пяць мужчын, адзін з іх шпіталізаваны.
Кіроўца не спыніўся і паспрабаваў з'ехаць з месца, нарад ДАІ пачаў пагоню. Міліцыянты неаднаразова падавалі сігнал аб спыненні, уключаючы чырвона-сінія маячкі і гукавы сігнал. У выніку ўдалося спыніць іншамарку за 10 км ад райцэнтра.
За рулём быў 34-гадовы бабруйчанін. Ад медыцынскага агляду ён адмовіўся. Раней ён быў судзімы за хуліганства і неаднаразова прыцягваўся да адміністрацыйнай адказнасці.
