Знайсці
06.03.2021 / 15:41

Прарасійскія радыкальныя сілы ў Беларусі аб’ядноўваюцца ў партыю. Выступіць запрасілі паплечнікаў Захарчанкі з ДНР

Сёння ў Мінску праходзіць устаноўчы з'езд па стварэнні партыі «Саюз». Старшыня — Сяргей Лушч, галоўны прарасійскі палітык Беларусі, у мінулым актывіст неанацысцкай паганскай секты.

Павялічыць

Сяргей Лушч

Паводле звестак крыніц iSANS, на з'ездзе выступяць дзеячы ДНР часоў Захарчанкі і прадстаўнік Севастопаля, які рыхтаваў анэксію Крыма.

Слова мусіць узяць Аляксандр Казакоў, экс-дарадца кіраўніка ДНР Аляксандра Захарчанкі, які чатыры гады адпрацаваў у акупаваным Данбасе. Чакаецца ўдзел экс-міністра сувязі ДНР Віктара Яцэнкі, які пачаў сваю дзейнасць яшчэ пры Стралкове-Гіркіне ў 2014-м і пратрымаўся аж да 2019 года.

Яшчэ адзін ганаровы госць — дэпутат-адзінарос з Севастопаля Дзмітрый Белік, адзін з датычных да анэксіі Крыма, удзельнічаў у арганізацыі рэферэндуму і мае медаль «За вызваленне Крыма і Севастопаля».

І апошні ўдзельнік расійскай дэлегацыі — прафесар Інстытута дзяржслужбы і кіравання пры прэзідэнце Расіі Уладзімір Краўцоў. Ён спецыялізуецца на медыя і прапагандзе. У снежні мінулага года ён прыязджаў на канферэнцыю ў Мінск, дзе сцвярджаў, што супраць РФ і Беларусі ідзе інфармацыйная вайна, дзе выкарыстоўваюцца «тэхналогіі, якія яшчэ працавалі пры нацысцкай Нямеччыне».

Акрамя дэлегатаў з Расіі, ганаровымі гасцямі названыя дэпутат Палаты прадстаўнікоў Нацыянальнага сходу Тэнгіз Думбадзэ, дырэктар Цэнтра вывучэння і развіцця кантынентальнай інтэграцыі «Паўночная Еўразія», прарасійскі публіцыст Аляксей Дзерман і іншыя. На з'ездзе прысутнічае і Юрый Васкрасенскі.

Павялічыць

Юрый Васкрасенскі. Фота Надзеі Бужан

Аналітыкі iSANS звяртаюць увагу, што ні адзін з крамлёўскіх палітыкаў-цяжкавагавікоў на з'езд не прыехаў. Гэта можа азначаць, што «Саюз» разглядаецца як партыя другога эшалона. А вось асноўныя палітычныя гульні Масква плануе весці з аналагам «Адзінай Расіі» ў Беларусі — партыяй народнага адзінства, якую ствараюць на аснове пралукашэнкаўскай «Белай Русі». «Саюз» жа стане прытулкам для больш радыкальных прыхільнікаў «рускага свету».

Чытайце таксама: Галоўны прарасійскі палітык Беларусі Сяргей Лушч: быў «валхвом» паганскай секты, жонка не сцярпела сяброў-неанацыстаў

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30