Галоўнае за 5 сакавіка: «Нашу гісторыю» выкінулі з «Белсаюздрука», справа за дзейнасць «Вясны», затрыманне анархістаў
«Нашу гісторыю» выкінулі з «Белсаюздрука». У суботу Рэдакцыя будзе прадаваць свежы нумар у офісе — набывайце!
«Наша гісторыя», самы папулярны часопіс на беларускай мове, больш не будзе прадавацца ў газетных кіёсках. Дзіцячыя «Дуду» і «Асцярожна, дзеці!» — таксама. «Белсаюздрук» паведаміў, што ў аднабаковым рэжыме разрывае адносіны.
СК завёў крымінальную справу за дзейнасць праваабарончага цэнтра «Вясна»
Галоўным упраўленнем па расследаванні злачынстваў у сферы арганізаванай злачыннасці і карупцыі Цэнтральнага апарата СК расследуецца крымінальная справа, заведзеная па факце дзейнасці пазбаўленага рэгістрацыі праваабарончага цэнтра «Вясна».
Кіраўнік МЗС Літвы: Хутчэй пекла замёрзне, чым мы будзем разглядаць патрабаванні аб выдачы Ціханоўскай
Габрыэлюс Ландсбергіс заявіў, што Літва не мае намеру разглядаць просьбу Генпракуратуры Беларусі аб выдачы былога кандыдата ў прэзідэнты Святланы Ціханоўскай.
МУС паведаміла пра затрыманне анархістаў «з міжнароднай злачыннай арганізацыі»
Затрыманыя брэсцкія анархісты з «міжнароднай злачыннай арганізацыі», паведамляе МУС.
Лукашэнка расказаў пра новую групу, у якой нібыта канфіскавалі арсеналы з выбухоўкай
Аляксандр Лукашэнка паведаміў аб выяўленні новай групы, у якой канфіскаваныя арсеналы з тратылам і пластытам.
Генпракуратура завяла крымінальную справу супраць BYPOL
Генеральная пракуратура Беларусі завяла крымінальную справу ў дачыненні да ўдзельнікаў ініцыятывы BYPOL.
Іх абвінавачваюць у тым, што яны «падбухторвалі слухачоў да варожасці па прыкмеце сацыяльнай прыналежнасці з мэтай нагнятання супрацьстаяння ў грамадстве».
