Знайсці
05.03.2021 / 23:11

Астраномы знайшлі недалёка ад нас новую суперзямлю

Каля нашай Сонечнай сістэмы знайшлі планету Gliese 486 b, якая можа дапамагчы ў пошуках жыцця ў іншых кутках Сусвету. Тэмпература паверхні новай суперзямлі трохі ніжэйшая за тэмпературу Венеры.

Павялічыць

Фота Depositphotos.com

Даследчыкі з нямецкага Інстытута астраноміі супольнасці Макса Планка сцвярджаюць, што ўмовы на Gliese 486 b занадта складаныя, каб там магло існаваць жыццё. На планеце высокая тэмпература і нізкая вільготнасць. Магчыма, што па яе паверхні цякуць рэкі лавы.

Аднак суперзямля знаходзіцца недалёка ад нас і мае шмат супольных рысаў з Зямлёй, што робіць яе ідэальнай для даследавання тэлескопамі новага пакалення. Магчыма, атрымаецца здабыць інфармацыю, якая дапаможа лепш разумець склад і структуру атмасферы іншых экзапланет, у тым ліку тых, на якіх можа быць жыццё, паведамляе DW.

Маса Gliese 486 b амаль у 3 разы большая за масу Зямлі, а сама суперзямля знаходзіцца за 26,3 светлавых гадоў ад нас, што робіць яе адной з найбліжэйшых да нас экзапланет.

Суперземлямі называюць экзапланеты, маса якіх большая за масу Зямлі, але значна меншая за масу ледзяных гігантаў нашай Сонечнай сістэмы Урана і Няптуна.

На сёння навукоўцам вядома больш за 4300 экзапланет. Некаторыя з іх уяўляюць сабой вялікія газавыя планеты, падобныя да Юпітэра, а іншыя — больш маленькія, падобныя да Зямлі аб’екты. Менавіта на другіх, як лічаць навукоўцы, можа квітнець жыццё.

НФ

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30