Ілля Квачэнка асуджаны на 15 сутак за вывешванне бел-чырвона-белага сцяга на ўласным балконе ў квартале «Пірс»
Айцішнік Ілля Квачэнка асуджаны на 15 дзён арышту за вывешванне бел-чырвона-белага сцяга на ўласным балконе ў квартале «Пірс».
Радыё Свабода
Увечары 2 сакавіка ў ЖК «Пірс» прыехала міліцыя — на балконе праграміста Іллі Квачэнкі быў заўважаны БЧБ-сцяг. Супрацоўнікі міліцыі вырашылі зняць сцяг самастойна, дзякуючы аўтавышцы, але ў іх нічога не атрымалася.
Затым вырашылі канфіскаваць машыну Іллі. На наступны дзень супрацоўнікі вырашылі нават адключылі святло ў кватэры, каб ён выйшаў з кватэры, але Ілля застаўся дома.
У выніку, яму ўсё ж такі перадалі позву ў Ждановіцкі аддзел РУУС, з якога 4 сакавіка ён так і не выйшаў. Там на яго склалі пратакол па арт. 24.23 КаАП. Ілля першы вядомы затрыманы, які праходзіць па новым артыкуле, піша Радыё Свабода.
Сёння, 5 сакавіка, над жыхаром «Пірса» адбыўся суд. Справу Іллі Квачэнкі разглядаў суддзя Мінскага раёна Антон Колабаў. Вынік — 15 сутак.
Чытайце таксама:
Жыхара квартала «Пірс», у якога за нацыянальны сцяг на балконе забралі машыну, затрымалі і будуць судзіць
