У Рэчыцы знайшлі абгарэлае цела жанчыны. Але не было ні дыму, ні агню
Пра выпадак напісала 112.by.
112.by
Днём 3 сакавіка жыхарка Рэчыцы прыйшла наведаць сваю сястру, якая жыла ў доме па 2-м завулку Карла Маркса.
Пагрукала, ніхто не адказаў. Жанчына зазірнула ў акно і ўбачыла, што сястра ляжыць на падлозе ў кухні. Яна патэлефанавала ў МНС, каб ратавальнікі дапамаглі адчыніць дзверы, выклікала міліцыю і хуткую дапамогу.
Калі ратавальнікі адчынілі дзверы, аказалася, што 69-гадовая жанчына мёртвая. Яе адзенне было абгарэлым, а на руках, твары і целе былі апёкі. Пры гэтым у доме не было ні агню, ні дыму.
Як мяркуецца, пенсіянерка загінула, калі распальвала печ і скарысталася для гэтага вадкасцю для распавальвання. Успышка пароў вадкасці і магла прывесці да такога выніку. Таксама разглядаецца парушэнне правілаў эксплуатацыі газавых прылад і агрэгатаў.
