Знайсці
04.03.2021 / 13:29

«Выклікалі тых, хто падпісаў хоць адну петыцыю». Адвакатку Шынкарэвіч пазбавілі ліцэнзіі — яна шукае працу

Адвакатка Алена Шынкарэвіч спецыялізавалася на гаспадарчым праве. У апошнія паўгода абараняла і тых, на каго заводзілі адміністрацыйныя справы за ўдзел у маршах. Пра адну з гэтых спраў вы дакладна чулі: суддзя палічыла, што заключаная дамова з адвакатам даказвае «намер удзельнічаць у несанкцыянаваных акцыях».

Павялічыць

З сакавіка Алену пазбавілі ліцэнзіі. Фармальна — праз недастатковую кваліфікацыю.

«У мяне была пазачарговая атэстацыя па выніках праверкі Мінскай абласной калегіі адвакатаў, якую праводзіў Мінюст. Праверка рабілася прыцэльна па некалькіх адвакатах. Быў знойдзены шэраг бюракратычных заўваг, звязаных з дакументаабаротам, нічога сур’ёзнага.

Учора быў першы паток на пазачарговую атэстацыю, 7 адвакатаў. Траіх пазбавілі ліцэнзіі, траім — пакінулі з адтэрміноўкай на тры месяцы і аднаму пакінулі ліцэнзію. Усе адвакаты, якіх учора выклікалі, падпісвалі хаця б адну петыцыю», — распавяла Алена.

У яе пыталі, ці свядома яна падпісвала ліст супраць гвалту (спасылка на петыцыю адлюстравалася на яе старонцы ў сацыяльных сетках). А на атэстацыі патрабавалі даслоўнага цытавання норм, прычым большасць пытанняў тычылася крымінальнага права, якім адвакатка амаль не займаецца.

Калегія прагаласавала адзінагалосна — ліцэнзіі пазбавіць.

«Гэта адзінае, што мяне сапраўды засмуціла. Я спадзявалася, што хаця б мая калегія, прадстаўнікі якой таксама былі ў камісіі, не пабаіцца прагаласаваць супраць», — прызнаецца адвакатка.

Цяпер яна шукае працу і гатова разглядаць розныя прапановы.

«Калі ў каго ёсць прапановы, куды я магу сябе прыстроіць (часткова або цалкам), я адкрыта да прапаноў. Нагадваю, што спецыялізуюся на працы з юрыдычнымі асобамі (дэбіторка, карпаратыўная, дагаворная праца і іншае). Досвед працы з 2009 года ў гэтай галіне. Усіх люблю! Жыве Беларусь!!!» — напісала ў фэйсбуку Алена Шынкарэвіч.

НЛ

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30