Знайсці
04.03.2021 / 11:17

У Viber з'явілася функцыя, якая павінна абараніць беларусаў ад званкоў махляроў

Viber прадставіў інструмент, які закліканы засцерагчы карыстальнікаў месенджара ў Беларусі ад званкоў махляроў, піша Tut.by.

Павялічыць

У месенджары з'явілася функцыя «Абарона ад лішніх званкоў», пры актывацыі якой карыстальнік не будзе атрымліваць апавяшчэнні аб званках з нумароў, якія не ўваходзяць у яго спіс кантактаў. Пра гэта паведамляе прэс-служба кампаніі.

Новая функцыя даступная ў апошняй версіі Viber для ўсіх карыстальнікаў з беларускімі нумарамі мабільных тэлефонаў. Каб актываваць функцыю, адкрыйце раздзел «Яшчэ», увайдзіце ва ўкладку «Налады», затым выберыце «Выклікі і паведамленні» і ўключыце тумблер насупраць пункта «Абарона ад лішніх званкоў».

Пасля гэтага карыстальнік не будзе атрымліваць уваходныя відэа-і аўдыязванкі ад невядомых кантактаў. Інфармацыя аб гэтых званках будзе захавана толькі ў спісе чатаў як «Прапушчаны выклік», а таксама ў раздзеле «Нядаўнія выклікі». Так, карыстальнікі не прапусцяць нічога важнага і змогуць ператэлефанаваць пры неабходнасці.

«На фоне частых выпадкаў махлярства праз месенджары ў Беларусі, мы хочам даць магчымасць нашым карыстальнікам ахаваць сябе ад камунікацыі з невядомымі кантактамі. Пры гэтым, функцыя не ўключана па змоўчванні, і карыстальнік сам вырашае, ці хоча ён цалкам забараніць званкі ад незнаёмых яму людзей у Viber або пакінуць такую магчымасць», — адзначыла Ганна Мігаль, старшы дырэктар па развіцці Rakuten Viber.

Беларусь стала адной з першых краін, у якіх запушчана гэтая опцыя. На гэты момант функцыя «Абарона ад лішніх званкоў» даступная на прыладах на базе Android і iOS, а таксама на камп'ютарнай версіі дадатку.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30