Знайсці
04.03.2021 / 10:06

Будучыня беларускага машынабудавання будзе залежаць ад развіцця ІТ-сектара

У аўтамабільнай прамысловасці ўсё шырэй выкарыстоўваецца праграмнае забеспячэнне. 

Павялічыць

Фота Надзеі Бужан.

Калі людзі сёння набываюць традыцыйны аўтамабіль, то яны ўпэўненыя, што ў ім нічога кардынальна не будзе змяняцца на працягу некалькіх гадоў. Аднак на думку Клауса Гурбера, эксперта па аўтамабільным праграмным забеспячэнні, у хуткім часе аўтамабілі, у якіх выкарыстоўваецца ўсё больш праграмнага забеспячэння, будуць змяняцца ледзь не кожныя тры месяцы.

«Людзі будуць атрымліваць пастаянныя аднаўленні праграмнага забеспячэння, аналагічныя тым, якія кожны атрымлівае на смартфоне ці ноўтбуку сёння», — перакананы Клаус Гурбер.

Клаус Гурбер вывучае праблемы, з якімі сутыкнуцца аўтавытворцы па меры распаўсюджвання ў галіне IT-тэхналогій. Эксперт мяркуе, што затраты аўтавытворцаў на распрацоўку праграмнага забеспячэння для аўтамабіляў павялічацца ўдвая на працягу наступнага дзесяцігоддзя.

Аўтамабільная прамысловасць усё хутчэй пераходзіць да электрамабіляў, якія будуць патрабаваць яшчэ больш моцных ІТ-тэхналогій, піша DW.

Камп'ютары выкарыстоўваюцца ў аўтамабілях і трактарах ужо пэўны час, аднак пакуль што працуе гэта так: электроніка асобна кантралюе працу рухавіка, кандыцыянера або адкрыццё вокнаў.

У аўтамабілях будучыні ўсе гэтыя задачы будуць апрацоўвацца цэнтралізавана. Галоўны камп’ютар будзе адказваць за кантроль усяго, а яго праграмнае забеспячэнне перыядачна аднаўляцца з дапамогай тэхналогій 5G. Такім чынам аўтавытворцы, па сутнасці, пераважна стануць вытворцамі праграмнага забеспячэння.

Пасля аднаўленняў на смартфоне карыстальнікі часта скардзяцца на пэўныя праблемы ў працы тэлефона. З тым жа сутыкаюцца і аўтавытворцы, якія прасоўваюць лічбавыя рашэнні ў вытворчасці аўтамабіляў.

Няспраўнае праграмнае забеспячэнне ў аўтамабілі патэнцыйна можа забіваць, таму яно павінна быць максімальна надзейным. На думку эскпертаў, бяспека можа быць гарантавана толькі дзякуючы шчыльнаму супрацоўніцтву аўтавытворцаў з тэхналагічнымі кампаніямі.

Клаус Гурбер лічыць, што ў выніку гэтага супрацоўніцтва будуць распрацаваныя дзве-тры найлепшыя аперацыйныя сістэмы, якія і будуць выкарыстоўваць большасць аўтавытворцаў ва ўсім свеце.

Будучыня беларускага аўтабудавання таксама будзе залежаць ад здольнасці нашай дзяржавы развіць ІТ-сектар. Інакш у тым, што будзе складаць асноўную частку кошту грузавіка ці трактара, мы будзем залежаць ад распрацовак іншых краін.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30