У Польшчы будуць выпускаць амерыканскую вакцыну Novavax
Біятэхналагічная кампанія Mabion з Лодзі будзе выпускаць у Польшчы вакцыну ад COVID-19 амерыканскай кампаніі Novavax, паведамляе Радыё Польшча.
Аб наладжванні вытворчасці вакцын у Польшчы паведаміў Павел Борыс, кіраўнік польскага Фонду развіцця, які прафінансуе ўсе неабходныя інвестыцыі, выдзеліўшы на гэтыя мэты 40 млн злотых (амаль 9 млн еўра).
«Польшча далучыцца да групы краін, дзе вырабляюць вакцыну ад COVID-19», — напісаў Павел Борыс на сваёй старонцы ў Twitter.
@Grupa_PFR sfinansuje inwestycje w produkcję w Polsce szczepionki na #COVID19 amerykańskiej firmy Novavax przez firmę biotechnologiczną Mabion Transfer technologii już w 2 kw. Polska dołączy do grona krajów, w których produkowana jest szczepionka przeciw #COVID19pic.twitter.com/I57xHExtq4
Кантракт на вытворчасць вакцыны Novavax у Польшчы будзе доўжыцца 3 гады. Чакаецца, што перадача Польшчы адпаведных тэхналогій амерыканскім бокам адбудзецца ўжо ў другім квартале гэтага года.
Чытайце: Вакцына Novavax ад кавіду выглядае сёння найлепшай з існуючых
