Сябру ініцыятыўнай групы Ціханоўскай з Мазыра далі 5 гадоў калоніі ўзмоцненага рэжыму
Суд Мазырскага раёна (суддзя Анатоль Стрэльчанка) вынес вырак па крымінальнай справе Руслана Парфёнава, якога абвінавачвалі па ч. 2 арт. 293 (Удзел у масавых беспарадках), паведамляе spring96.org.
«Палеская вясна»
Руслан Парфёнаў быў затрыманы 6 жніўня, а назаўтра арыштаваны на 10 сутак. 19 жніўня ён быў зноў затрыманы.
На АНТ быў паказаны сюжэт, у якім Парфёнава абвінавацілі нібыта ў вырабе «вожыкаў» для спынення транспарту. Пры гэтым у ролі Парфёнава паказалі зусім іншага чалавека, нават вонкава не падобнага.
Суд праходзіў у закрытым рэжыме, а пракурор запрасіў 6 гадоў пазбаўлення волі ў калоніі.
Сёння, 3 сакавіка, на абвяшчэнне прысуду не пускалі.
Вынік — пяць год пазбаўлення волі ў калоніі ўзмоцненага рэжыму.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера