Знайсці
02.03.2021 / 11:41РусŁacБел

Праваабаронца Зміцер Салаўёў — падазраваны па крымінальнай справе

Увечары 1 сакавіка ў Мінску быў затрыманы праваабаронца і сябра рады пазбаўленага рэгістрацыі праваабарончага цэнтра «Вясна» Зміцер Салаўёў. Напярэдадні ён выйшаў на волю пасля адміністрацыйнага арышту 16 лютага.

spring96.org

Яго даставілі ў Следчы камітэт, дзе дапыталі ў якасці падазраванага па крымінальнай справе па арт. 342 Крымінальнага кодэкса (Групавыя дзеянні, які груба парушаюць грамадскі парадак). Пасля допыту Змітра адпусцілі пад падпіску аб нявыездзе, паведамляе spring96.org.

Падчас масавага нападу на праваабаронцаў і журналістаў 16 лютага ў дом Змітра Салаўёва пад Мінскам уварваліся супрацоўнікі АМАПа і ГУБАЗіКа і правялі ператрус, канфіскавалі тэхніку. Ператрус адбываўся ў межах крымінальнай справы па арт. 342 КК РБ.

Пасля ператрусу праваабаронца быў затрыманы.

18 лютага Салаўёў быў асуджаны на 12 сутак арышту па арт. 23.34 КаАП. На яго доме ўбудаваны бетонны барэльеф з «Пагоняй», і суддзя суда Мінскага раёна Анжаліка Казлова палічыла гэта пікетаваннем. 28 лютага яго вызвалілі з ізалятара часовага ўтрымання.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера