Знайсці
01.03.2021 / 08:38

«Зямля качэўнікаў», «Борат-2» і мультфільм «Душа»: хто стаў пераможцам «Залатога глобуса»

Прэмію называюць другой па прэстыжнасці пасля «Оскара», які з-за пандэміі будзе ўручаны толькі ў канцы красавіка.

Павялічыць

Скрыншот з фільма «Зямля качэўнікаў»

Карціна «Зямля качэўнікаў» атрымала «Залаты глобус» у намінацыі «Найлепшы драматычны фільм года», а яе стваральніца кітаянка Хлоя Чжао ўдастоена прэміі за найлепшую рэжысёрскую працу. Пра гэта было абвешчана на 78-й цырымоніі прэміі галівудскай Асацыяцыі замежнай прэсы, якая прайшла 28 лютага ў фармаце відэаканферэнцыі, піша meduza.io.

Найлепшымі акцёрамі ў драматычных фільмах прызнаныя Андра Дэй («Злучаныя Штаты супраць Білі Холідэй») і Чэдвік Боўзман пасмяротна (»Ма Рэйні: маці блюзу»).

Фільм «Борат-2» выйграў у намінацыі «Найлепшая камедыя ці мюзікл». Саша Барон Коэн атрымаў прыз за найлепшую камедыйную ролю ў гэтай карціне. Найлепшая жаночая роля ў камедыі або мюзікле на рахунку Розамунд Пайк (фільм «Аферыстка»).

Прызы за найлепшыя ролі другога плана атрымалі Дэніэл Калуя («Юда і чорны Месія») і Джодзі Фостэр (»Маўрытанец»).

Узнагароды за найлепшы сцэнар удастоены Аарон Соркін («Суд над чыкагскай сямёркай»).

Найлепшым анімацыйным фільмам прызнаная стужка «Душа», а найлепшым фільмам на замежнай мове — «Мінары».

У намінацыі «Найлепшы драматычны серыял» перамагла «Карона», найлепшым міні-серыялам стаў «Ход каралевы», а найлепшым камедыйным серыялам — «Шытс Крык».

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30