Знайсці
20.02.2021 / 19:11РусŁacБел

«Ды ўс*алася мне ваша «рідна мова». 15-гадовая ціктокерка з Кіева трапіла ў скандал, але знайшла спосаб уратавацца ВІДЭА

«Я прашу прабачэння за негатыўныя выказванні ў бок украінскай мовы. Усе людзі здзяйсняюць памылкі, і я не выключэнне. Гэта была рэакцыя на абразы мяне. Насамрэч я добра ведаю ўкраінскую мову, свабодна ёй валодаю, але з невялікім акцэнтам. Мне падабаецца жыць ва Украіне, я ніводнага крыўднага слова не сказала ў бок гэтай краіны. Я не хацела крыўдзіць людзей, прабачце», — з такім зваротам выступіла 15-гадовая ціктокерка, жыхарка Кіева Ліза Ляоненка.

@maybe_lizaaaaa

‍♀️

♬ Aesthetic - Xilo

Расійскія СМІ і тэлеграм-каналы абураюцца, што дзяўчыну прымусілі запісаць гэта відэа насуперак прынцыпам свабоды слова.

Што ж гэта за гісторыя, якая апынулася ў цэнтры ўвагі сацсетак і ва Украіне, і ў Расіі?

Украінская школьніца Ліза Ляоненка мае больш за 140 тысяч падпісчыкаў у сацсетцы Цікток. Сумнеўную папулярнасць яна здабыла дзякуючы нецэнзурнаму абразліваму відэа пра ўкраінскую мову. 

«Ды ўс*алася мне ваша «рідна мова». Калі чалавек не любіць гэтую мову, то навошта на ёй размаўляць. Каб вы разумелі, наколькі я адмоўна стаўлюся да ўкраінскай мовы, я не буду сябраваць з тым чалавекам, які размаўляе па-ўкраінску. Мяне вельмі ятрыць гэта мова, асабліва яе гучанне. Таму маленькія патрыёцікі са сваіх сёлаў, ад*біцеся ад мяне, калі ласка. Чаму з сёлаў? Таму што ў Кіеве, ***дзь, амаль нікога няма, хто размаўляе па-ўкраінску. Усе гавораць на рускай, і нікога гэта не ***», — заявіла Ліза сваім падпісчыкам.

Асаблівасць сітуацыі ў тым, што дзяўчыне 15 гадоў і прыцягнуць яе немагчыма ні да адміністратыўнай, ні да крымінальнай адказнасці.

Заява выклікала рэзананс ва ўкраінскім грамадстве. Што было пасля? Лізу Ляоненка дадалі ў базу сайта «Міратворац» за «ўдзел у інфармацыйнай спецаперацыі Расіі супраць Украіны». Блогеры даведаліся, што бацька дзяўчыны — чыноўнік, а маці валодае сеткай «Паніні-грыль». Ад бацькоў патрабавалі выбачэння за выказванні дачкі і заклікалі да байкоту іх бізнэсу.

Праз некалькі дзён школьніца запісала відэа, у якім прызнала сваю памылку і папрасіла прабачэння ў людзей.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера