Эйсмант адказаў на персанальныя санкцыі Вялікабрытаніі: Іх абвінавачванні — гэта хлусня
Кіраўнік БТ Іван Эйсмант у праграме «Клуб рэдактараў» пракаментаваў увядзенне Вялікабрытаніяй персанальных санкцый, у тым ліку ў дачыненні да сябе.
Эйсмант растлумачыў, што Вялікабрытанія абвінаваціла яго ў «распаўсюдзе дзяржаўнай прапаганды ў СМІ, выкарыстанні медыя для падтрымкі намераў Аляксандра Лукашэнкі заставацца на пасадзе кіраўніка дзяржавы, а таксама адмове асвятляць пратэсты».
«Уяўляеце, яны абвінавачваюць нашу кампанію і мяне асабіста, што мы не асвятлялі пратэсныя акцыі ў СМІ. Я думаю, можна знайсці сотні рэпартажаў. Больш таго, на гэтых пратэсных акцыях былі збітыя нашы журналісты. Людзі па гэтых справах асуджаныя і адбываюць пакаранне. Мы гэта ўсё, натуральна, адпраўляем у еўрапейскія структуры — яны разводзяць рукамі, апускаюць нізка вочы. Але гэта ж, я не ведаю, хлусня. Гэта хлусы», — заявіў ён.
