Знайсці
19.02.2021 / 09:56РусŁacБел

«Каця! Мы тут!»: пачаўся суд над журналісткай Кацярынай Барысевіч і доктарам Арцёмам Сарокіным. Працэс закрылі

Доктара БХМД Арцёма Сарокіна і журналістку Tut.by Кацярыну Барысевіч затрымалі роўна тры месяцы таму — 19 лістапада. На думку Генпракуратуры, яны выдалі медыцынскую таямніцу аб стане Рамана Бандарэнкі, што пацягнула цяжкія наступствы, а менавіта «павышэнне напружанасці ў грамадстве і стварэнне атмасферы недаверу да кампетэнтных дзяржаўных органаў». Сёння іх справу разглядае суд Маскоўскага раёна Мінска. Арцёму і Кацярыне пагражае да трох гадоў пазбаўлення волі.

Tut.by

10:40

У выніку працэс закрылі. Усіх выправадзілі з залы. Пакінулі толькі адвакатаў.

«Каб пазбегнуць выдавання медыцынскай таямніцы і даных папярэдняга расследавання. Матэрыялы справы ўтрымліваюць медыцынскія дакументы, якія ў тым ліку раней не публікаваліся».

Tut.by

10.27

Пракурор хадайнічае аб слуханні ў закрытым пасяджэнні, абарона катэгарычна не згодная: маецца заява маці Рамана, яна настойвае на адкрытасці пасяджэння. Адвакат Кацярыны Барысевіч кажа: «Маці Бандарэнкі з'яўляецца адзіным чалавекам, які можа даць ці не даць згоду на тое, каб суд быў адкрытым».

«Я хачу, каб грамадства ведала, за што судзяць журналіста і лекара, таму падтрымліваю хадайніцтва адваката», — кажа Кацярына Барысевіч.

Доктар Арцём Сарокін таксама за адкрыты працэс.

Рашэнне аб тым, закрываць суд або не, будзе абвешчана ў 10.40.

10:25

Пасяджэнне па справе Барысевіч і Сарокіна стартавала. У залу трапілі адвакаты, сваякі абвінавачаных, а таксама некалькі калег. Каля залы суда працягваюць стаяць людзі. Цяпер іх каля 100 чалавек. Таксама ў залу спрабуе трапіць адвакат Алены Бандарэнка, маці загінулага Рамана. Яе не пускаюць.

***

Працэс праходзіць у Доме правасуддзя (вул. Сямашкі, 33а). Суддзя — Святлана Бандарэнка, намеснік старшыні суда Маскоўскага раёна па крымінальных справах. Кацярыну Барысевіч абараняюць адвакаты Андрэй Мачалаў і Міхаіл Баднарчук, Арцёма Сарокіна — Вольга Бацюк.

Барысевіч і Сарокіна завялі праз асобны ўваход. «Каця! Мы тут», — сталі крычаць прысутныя і апладзіраваць.

Пад дзвярыма залы сабраліся некалькі дзясяткаў чалавек, большасць не прапусцілі ў залу. Адмоўлена ў акрэдытацыі і журналістам незалежных СМІ.

Алена Бандарэнка

На суд прыйшла мама Рамана Бандарэнкі. «Вядома, я разлічваю трапіць на судовае пасяджэнне, таму я тут. Я лічу, Кацярына і доктар Сарокін нічога не парушылі, дазвол быў мною дадзены. Як чалавек аптымістычны, я спадзяюся, што справядлівасць пераможа. Хоць, як паказвае судовая практыка, і нават апошніх дзён, справядлівасці няма», — сказала яна.

Дачка Кацярыны Барысевіч Дар'я, фота Tut.by

Чарга на ўваход

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера