Цела жанчыны, якое прапала з морга ў Пінску, так і не знайшлі. Распачалі крымінальную справу

У панядзелак, 1 лютага, у шпіталі сястры памерлай жанчыны выдалі даведку (медычнае сведчанне) аб смерці сваячкі. Яна паехала ў Пінскі гарадскі морг, каб забраць цела і пахаваць сястру. Цела ў морг прывезлі ў дзень смерці, у суботу, 30 студзеня, але ўжо ў панядзелак яго там не аказалася.

Аказалася, што труп знік.

Па словах сястры, яна выклікала міліцыю — цяпер разбіраецца Следчы камітэт. Распачатая крымінальная справа па ч. 1 арт. 347 КК (выкраданне трупа). Санкцыя артыкула прадугледжвае пакаранне ў выглядзе штрафу або арышту, альбо да трох гадоў абмежавання або пазбаўлення волі, паведамляе БелТА.

0

0

0

0

0

0